Srinesiga Homoeo Health Centre | Homeopathy, Acupuncture, Acupressure, Reflexology, Magnet Therapy, Seed Therapy, Naturopathy

ஒவ்வொரு நாளுக்கான ஓரைகள்

ஓரைகள் என்றால் என்ன?

ஓரைகள் என்பது ஒவ்வொரு நாளிலும் ஒரு மணி நேரத்திற்கு ஒரு முறை கிரகங்கள் மாறி மாறி வந்து பலன் கொடுக்கும் நேரம் ஆகும்.

இதில் நல்ல பலன் கொடுக்கும் கிரகங்கள் வருகின்ற ஓரைகள் எது என்பதை கண்டுபிடித்தவர்கள் இந்த உலகத்தில் வெள்வது உறுதியாகும்.

இந்த ஓரைகள் சூரிய உதயத்திலிருந்து கணக்கிடப்படுகின்றது, ஒவ்வொரு ஊரின் சூரிய உதயத்திலிருந்து கணக்கிட்டு எடுத்தால் மட்டுமே அந்த ஊரின் ஓரைக்காண கிரகத்தையும்

அதன் பலனயும் தெளிவாக அறியவும் அடையவும் முடியும்.

உதராணத்திற்கு திங்கட்கிழமை கோயமுத்தூரில் சூரிய உதயம் 6:10 மணிக்கு காலையில் ஆரம்பித்தால், அதிலிருந்து 1 மணிநேரமாகிய 6:10 முதல் 7:10 வரை உள்ள நேரம் திங்கட்கிழமைக்கு சொந்தமான சந்திரனுக்கு சொந்தமான ஓரையாகும் அந்த நேரத்தில் சந்திரன் கிரக காரகப் பலன்கள் செயல்படும்.

இப்படி ஓரைகள் பற்றி தெரிந்து கொள்வதற்கு மிக முக்கியமாக உபயோகமாக இருப்பது. அந்த அந்த நாளின் கிரகங்கள் பற்றி தெரிந்து இருக்க வேண்டும். ஒரு நாளின் கிரகமே அந்த நாளின் முதல் ஒரு மணி நேரத்தின் ஓரையாக வரும்.

ஒவ்வொரு நாளுக்கான கிரகங்கள் :

ஞாயிறு : சூரியன்

திங்கள் : சந்திரன்

செவ்வாய் : செவ்வாய்

புதன் : புதன்

வியாழன் : குரு

வெள்ளி : சுக்கிரன்

சனி : சனிபகவான்

இப்படி 7 நாட்களுக்கும் 7 கிரகங்களை பிரித்து அதை ஹோரை கொண்டு வரிசைப் படுத்தியுள்ளார்கள். ராகு கேதுவிற்கு நாட்களும் ஹோரையும் கிடையாது.

கீழே ஒவ்வொரு நாளுக்கான ஓரைகள் கொடுக்கப்பட்டுள்ளது :

ஓரைகள்

நேரம்	ஞாயிறு	திங்கள்	செவ்வாய்	புதன்	வியாழன்	வெள்ளி	சனி
பகல் 6-7	சூரியன்	சந்திரன்	செவ்வாய்	புதன்	குரு	சுக்கிரன்	சனி
7-8	சுக்கிரன்	சனி	சூரியன்	சந்திரன்	செவ்வாய்	புதன்	குரு
8-9	புதன்	குரு	சுக்கிரன்	சனி	சூரியன்	சந்திரன்	செவ்வாய்
9-10	சந்திரன்	செவ்வாய்	புதன்	குரு	சுக்கிரன்	சனி	சூரியன்
10-11	சனி	சூரியன்	சந்திரன்	செவ்வாய்	புதன்	குரு	சுக்கிரன்
11-12	குரு	சுக்கிரன்	சனி	சூரியன்	சந்திரன்	செவ்வாய்	புதன்
12-1	செவ்வாய்	புதன்	குரு	சுக்கிரன்	சனி	சூரியன்	சந்திரன்
1-2	சூரியன்	சந்திரன்	செவ்வாய்	புதன்	குரு	சுக்கிரன்	சனி
2-3	சுக்கிரன்	சனி	சூரியன்	சந்திரன்	செவ்வாய்	புதன்	குரு
3-4	புதன்	குரு	சுக்கிரன்	சனி	சூரியன்	சந்திரன்	செவ்வாய்
4-5	சந்திரன்	செவ்வாய்	புதன்	குரு	சுக்கிரன்	சனி	சூரியன்
5-6	சனி	சூரியன்	சந்திரன்	செவ்வாய்	புதன்	குரு	சுக்கிரன்
இரவு 6-7	குரு	சுக்கிரன்	சனி	சூரியன்	சந்திரன்	செவ்வாய்	புதன்
7-8	செவ்வாய்	புதன்	குரு	சுக்கிரன்	சனி	சூரியன்	சந்திரன்
8-9	சூரியன்	சந்திரன்	செவ்வாய்	புதன்	குரு	சுக்கிரன்	சனி
9-10	சுக்கிரன்	சனி	சூரியன்	சந்திரன்	செவ்வாய்	புதன்	குரு
10-11	புதன்	குரு	சுக்கிரன்	சனி	சூரியன்	சந்திரன்	செவ்வாய்
11-12	சந்திரன்	செவ்வாய்	புதன்	குரு	சுக்கிரன்	சனி	சூரியன்
12-1	சனி	சூரியன்	சந்திரன்	செவ்வாய்	புதன்	குரு	சுக்கிரன்
1-2	குரு	சுக்கிரன்	சனி	சூரியன்	சந்திரன்	செவ்வாய்	புதன்
2-3	செவ்வாய்	புதன்	குரு	சுக்கிரன்	சனி	சூரியன்	சந்திரன்
3-4	சூரியன்	சந்திரன்	செவ்வாய்	புதன்	குரு	சுக்கிரன்	சனி
4-5	சுக்கிரன்	சனி	சூரியன்	சந்திரன்	செவ்வாய்	புதன்	குரு
5-6	புதன்	குரு	சுக்கிரன்	சனி	சூரியன்	சந்திரன்	செவ்வாய்

இந்த ஒரைகளில்

சுப ஓரைகள்
சந்திரன்,
புதன்,
குரு,
சுக்கிர ஓரைகள் சுபமானவை.
நல்லது செய்ய உகந்தவை.

அசுப ஓரைகள்
சூரியன்,
செவ்வாய்,
சனி ஓரைகள் நல்லவை அல்ல.

சூரிய ஓரை

இந்த நேரத்தில் புதிதாக எந்த அலுவல்களையோ உடன் பாடுகளையோ செய்வது நல்லதல்ல, சுபகாரியங்கள் செய்யயவும் இந்த ஓரை ஏற்றதல்ல. இந்த ஓரை நடக்கும் நேரத்தில் பொருள் ஏதேனும் காணாமல் போனால் கிடைப்பது அரிது. அப்படிக் கிடைக்குமானால் மிகவும் தாமதித்து அப்பொருளின் நினைவு மறைந்த பின் கிழக்கு திசையில் கிடைக்கலாம். இந்த நேரத்தில் உயில் சாசனம் எழுத, பெரியோர்களை சந்திக்க செல்வது நல்லது.

சந்திர ஓரை

இந்த ஓரை காலத்தில் எல்லா சுபகாரியங்களையும் செய்யலாம். குறிப்பாக பெண்கள் தொடர்பு கொண்ட காரியங்களையும் செய்ய மிகவும் ஏற்றது. வியாபார விஷயமாகவோ அல்லது புனித யாத்திரையாகவோ பயணம் செய்ய ஏற்றது. பிறரைச் சந்தித்துப் பேசவும் செய்யலாம். இந்த ஓரையில் எந்தப்பொருள் காணாமல் போனாலும் கிடைக்காது.

செவ்வாய் ஓரை

எந்தவித நல்ல காரியங்களும் செய்ய உகந்த நேரமல்ல. இருப்பினும் தெய்வீகத் தொடர்பான விஷயங்களையோ, சண்டை சச்சரவுக்கான விஷயங்களையோ பற்றி பேசலாம். இருப்பினும் இந்த ஓரையை தவிர்ப்பது நல்லது. இந்த ஓரை நேரத்தில் பொருள்கள் காணாமல் போனால் உடனே முயன்றால் தெற்கு திசையில் கிடைத்துவிடும். தாமதித்தால் கிடைக்காது.

புதன் ஓரை

கல்வி மற்றும் எழுத்துத் தொடர்பான வேலை தொடங்குவதற்கும் ஆலோசிப்பதற்கும் ஏற்ற நேரம். சுப காரியங்கள் செய்யலாம். நேர்மையான விஷயங்களைப் பற்றிப் பேசவும் முடிவெடுக்கவும் இந்த நேர உகந்தது. பயணங்கள் மேற்கொள்ளவும் செய்யலாம். இந்த ஓரையில் காணாமல் போகும் பொருள்கள் விரைவில் அதிக சிரமமின்றி கிடைத்து விடும்.

குரு ஓரை

எல்லாவகை சுப காரியங்களுக்கு மிகவும் ஏற்ற நேரம், வியாபாரம், விவசாயம் செய்ய நல்லது. ஆடை ஆபரணப் பொருள்கள் வாங்கவும், வீடு மனை வாங்கவோ, விற்கவோ ஏற்றது. எதுவும் சட்டத்திற்கும் நியாயத்திற்கும் புறம்பான காரியமாக இருக்கக்கூடாது. கப்பற்பயணம் செய்வதற்கு இந்த ஓரை சிலாக்கியமானது அல்ல. இந்த நேரத்தில் காணாமல் போனபொருள்களைப் பற்றி வெளியில் சொன்னலே போதும் உடனே கிடைத்துவிடும்.

சுக்கிர ஓரை

சகல சுப காரியங்களுக்கு வீடு, நிலம், வண்டி வாகனம், ஆடை ஆபரணம் வாங்கவும் மிகவும் ஏற்றது. குறிப்பாக பெண்கள் தொடர்பு கொண்ட சகல காரியங்களிலும் நன்மை ஏற்படும். விவசாயத்திற்கும், பயணங்கள் செய்யவும் நல்லது. இந்த ஓரையில் காணாமல் போன பொருள் மேற்கு திசையில் சில நாள்களில் கிடைக்கும்.

சனி ஓரை :

எந்தவித சுபகாரியங்களும் செய்யக்கூடாது. புதிதாக எந்த வேலையும் செய்யக்கூடாது. இருப்பினும் நிலபுலங்கள் பற்றி பேசவோ சட்டபூர்வமான விஷயங்களைப்பற்றி முடிவெடுக்கவோ நல்லது. இந்த ஓரையில் காணாமல் போன பொருள் கிடைக்காது. ஒருவேளை இரண்டு மூன்று வருடம் கழித்து எதிர்பாராத விதமாகக் கிடைக்கலாம்.

Category : Jothidam, ஜோதிடப் பாடம்